Hvernig fékk Dagur 112 fleiri atkvæði en voru talin?
 Hvernig fékk Dagur B. 112 fleiri atkvæði en voru talin? |
Dagurinn í dag var sannarlega áhugaverður fyrir þá sem hafa áhuga á pólitík. Líklega var spennan mest í Hafnarfirði þar sem eingöngu munaði 2 atkvæðum á milli frambjóðendanna sem vildu leiða lista Sjálfstæðisflokksins í Hafnarfirði.
Það sem var þó áhugaverðast í dag var þó ekki þessi tveggja atkvæða munur í Hafnarfirði heldur virðist Dagur B. Eggertsson hafa fengið 112 fleiri atkvæði en talin voru frá því aðrar tölur birtust þar til lokatölurnar birtust. Dagur var með 1652 atkvæði þegar talin höfðu verið 2212 atkvæði en hins vegar var Dagur með 2208 atkvæði þegar talin höfðu verið 2656 atkvæði.
Dagur virðist því hafa fengið 556 atkvæði út úr þeim 444 atkvæðum sem voru talin voru, hann fékk því 112 fleiri atkvæði en voru talin!
Hvaða atkvæði voru menn annars að telja? Hvernig telja menn rafræna atkvæðaseðla?
Einn galli netkosninga er einmitt að það er enginn seðill sem hægt er að telja eða til að sannreyna að ekki hafi verið um svindl að ræða. Annar galli hefur einnig verið talinn að í rafrænum kosningum birtist niðurstaðan strax um leið og kosningu líkur og þá eru engar spennandi kosningavökur. Það tæki Huawei símann minn nokkrar sekúndur telja þessi 2.656 atkvæði og birta niðurstöðurnar, hvað þá netþjónarnir sem kerfi Samfylkingarinnar keyra á. Niðurstöðurnar voru því ljósar um leið og kosningu lauk en ekki mörgum klukkutímum síðar.
Annað hvort er því hér á ferðinni kosningasvindl, til að bæta niðurstöður oddvitans eða það sem er líklegra að spunameistarar Samfylkingarinnar voru að reyna að búa til spennu með því að búa til einhverjar millitölur og víxla sætum neðarlega á lista hjá velþekktum frambjóðendum og auka þannig þá fjölmiðlaathygli sem prófkjörið fær.
Annað sem vekur athygli í þessu prófkjöri Samfylkingarinnar er ótrúlega léleg þátttaka. Það tóku tæplega þrisvar sinnum fleiri þátt í prófkjöri Sjálfstæðismanna í Reykjavík sem fór fram fyrir viku. Meira að segja þegar hlutfall á kjörskrá er skoðað er þetta léleg þátttaka, en það voru 33,7% af kjörskrá sem tók þátt hjá Samfylkingunni en 36,4% hjá Sjálfstæðisflokknum. Munurinn er samt sá að Samfylkingin var með netkosningu. Samfylkingarmenn gátu því kosið í símanum sínum eða hvar sem þeir komust á netið á meðan Sjálfstæðismenn þurftu að koma sér á kjörstað. Í ljósi umræðu eftir prófkjör Sjálfstæðisflokksins verður fróðlegt að heyra hvort fjölmiðlamenn eiga eftir að velta fyrir sér væntanlegum árangri hjá Samfylkingunni í vor í ljósi lélegrar þátttöku í prófkjörinu.
Skjámynd af lokatölum
Skjámynd af millitölum
Tags: prófkjör, stjórnmál. samfylkingin
Stjórnmál og samfélag | 
31-01-2010 00:02
RSS
By Björn, 31-01-2010 @ 01:23
Er þetta ekki bara sama sagan, allt reynt til að koma sínu fram, þannig er þessi pólitík.
By stefan benediktsson, 31-01-2010 @ 01:37
Ég veit ekki hvernig þetta misræmi í talningu hjá Samfylkingunni er tilkomið en ég tel í ljósi reynslu síðustu daga að það hafi í raun verið afrek hjá báðum flokkum að koma þó þetta mörgum á kjörstað í forvali. Hvort þáttakendafjöldinn gefur vísbendingar um útkomu vorkosninga skal ég ekki segja vona þó ekki.
By Þórir Hrafn, 31-01-2010 @ 04:05
Það var hægt að kjósa annars vegar rafrænt í þessu prófkjöri og hins vegar með því að mæta á kjörstað. Það þurfti því að telja þau atkvæði sem greidd voru á kjörstað og var um að ræða talsvert stóran hlut allra greiddra atkvæða. Þú getur annars lesið nánar um það hér:
http://www.samfylkingin.is/Fréttir/Fréttir_-_Reykjavik/articleType/ArticleView/articleId/825/Upplysingar-um-profkjor-i-Reykjavik
Hvað varðar misræmi í tölum þá virðist það vera mjög augljóst að lesin var upp of röng tala fyrir Dag í millitölunum. Enda hefði fjölgun atkvæða hans verið mjög skrítin ef miðað er við fyrstu tölur (sem þú ákvaðst einhverra hluta vegna ekki að birta)
http://www.samfylkingin.is/Fréttir/articleType/ArticleView/articleId/898/PageID/893/Fyrstu_tolur_ur_Reykjavik
Annars get ég ekki sagt að ég sé húrrandi sáttur með kjörsókn. En ekki var hún nú mikið betri hjá Íhaldinu. Það virðist reyndar vera afskaplega erfitt að leiðrétta þann hvimleiða misskilning að internetatkvæðagreiðsla auki kjörsókn, það er einfaldleg í lang flestum tilvikum rangt.
By Tómas, 31-01-2010 @ 09:58
Varðandi misræmið þá er það ekkert augljóst, Dagur fer úr 81% greiddra atkvæða í fyrstu tölum og svo 75% í öðrum tölum. Það er innan skekkjumarka og því engin sérstök ástæða til að fjalla um þetta eða mjög augljóst eins og þú orðar það.
Við eigum sjálfsagt eftir að heyra meira um þetta í dag, ég hef ekki trú á því að menn geti gert svona stórt klúður án þess að svara fyrir það.
Það væri nú áhugavert að vita hversu margir kusu á pappír, ég er enn fullur efasemda um annað en að menn hafi verið að búa til spennu. Hafi 20% kosið á pappír voru það um 500 atkvæði. Hvað eru menn lengi að telja það?
HA! Eykur netkosning ekki þátttöku? Ég hefði haldið að aukið aðgengi myndi alltaf auka þátttöku, svona miðað við þá reynslu sem ég hef. Ekki að ég hafi kynnt mér þann þátt netkosninga sérstaklega. Greinilega eitthvað til að stúdera.
Ég velti fyrir mér afhverju menn eru yfir höfuð að þá að halda netkosningu ef það er ekki til að auka þátttöku eða til að flýta fyrir talningu. Hefðbundið prófkjör er yfir höfuð skemmtilegt verkefni sem mörg hundruð manns koma að hjá Sjálfstæðisflokknum. Menn skildu ekki vanmeta félagslega þáttinn í framkvæmdinni á svona prófkjöri.
By Þórir Hrafn, 31-01-2010 @ 14:33
Jæja, ég tel þetta a.m.k. nokkuð augljóst, en ég skil að hérna skuli vera vilji til að viðurkenna það ekki.
Ég efast annars um að það hafi færri en 1000 atkvæði verið greidd á hefbundinn hátt. Það tekur sinn tíma að telja þau.
Ég held að netkosning sé alltaf haldin til að auka þátttöku. Það virðist þó vera sem að reynslan hafi hins vegar verið sú að að er ekkert sérstaklega algengt að slíkt gerist.
Fyrir slatta mörgum árum þá lágum við nokkur yfir þessu þegar að Stúdentaráð var að pæla í að nota netkosningar, þá kom í ljós að það var algengara en ekki að það drægi úr kjörsókn við upptöku rafrænna kosninga. Það er þó engin 100% regla, og verður áhugavert að fylgjast með kjörsókn í Stúdentaráðskosningunum núna (mér skilst að þær séu rafrænar).
Ég held að það sé rétt hjá þér. Félagslegi þátturinn er stórlega vanmetinn. “Stemningin” við að kjósa hefðbundið er einfaldlega allt önnur en að sitja á nærbuxunum fyrir framan tölvuna og fara á heimabankann til að sækja lykilorð til að geta kosið. Enda fór ég (fullklæddur) niður í Þróttaraheimili í gær til að kjósa á afskaplga hefðbundinn hátt.
Svo er ég reyndar sjálfur mjög spenntur fyrir því forvalsfyrirkomulagi sem að Samfylkingin notaði í prófkjöri sínu núna á laugardaginn og framsóknarflokkurinn hefur notað víða síðustu árin. Stór fundur félagsmanna kýs sérstaklega í hvert sæti fyrir sig í mjög löngum fundi.
By Þórir Hrafn, 31-01-2010 @ 14:38
Samfylkingin í kópavogi notaði á laugardaginn, átti þetta að vera í síðustu efnisgreininni.
By Tómas, 31-01-2010 @ 15:36
Ég er reyndar mjög spenntur yfir þessari aðferð líka. Ég sá einmitt líka grein oddvitans í Kópavogi, þetta er örugglega áhugaverð aðferð. Frambjóðendur vita þá bara stöðuna og geta tekið ákvörðun strax hvort þeir séu tilbúnir að berjast áfram um sæti. Fyrir utan að það eru minni líkur á fjáraustri.
kveðja Tómas
By Björn Þór, 31-01-2010 @ 16:32
Hæ Tommi,
Ég náði nokkrum góðum myndum af áhugafólki um Sjálfstæðisflokkin hér um daginn, þekkir þú þetta fólk?
By Björn Þór, 31-01-2010 @ 16:33
Ritskoðunarsían er greinilega að virka.
By Einar, 31-01-2010 @ 17:16
Viðbúið er að fjölmiðlar muni fjalla ítarlega um þetta mál í dag og sýna viðtöl við frambjóðendur og umsjónaraðila prófkjörsins.
Fjölmiðlar munu sennilega líka fjalla um slaka kosningu oddvitans í fyrsta sætið, þrátt fyrir að sækjast einn eftir því, sem og skort á endurnýjun í efstu sætin (Hjálmar er varla endurnýjun því hann hefur verið sérlegur blaðafulltrúi flokksins á RÚV í nokkur ár) og þá staðreynd að einungis 2 konur eru í efstu 6 sætunum, þar af ein sem varð uppvís að miklu hneyksli eftir síðustu kosningar þegar í ljós kom að hún hafði haldið upplýsingum um fjárhagsstöðu Strætó leyndri.
Fjölmiðlar munu fjalla um hversu erfitt konur eiga uppdráttar í Samfylkingunni, auk þess hversu mikið áfall þessi lélega þátttaka er.
Eða hvað?
Ætli fjölmiðlar muni fjalla um þetta? Eða munu þeir einblína á t.d. prófkjör Sjálfstæðisflokksins í Hafnarfirði og spinna upp miklar sögur um það? Svona inn á milli þess að tala um hversu frábær Samfylkingin er.
By stefan benediktsson, 31-01-2010 @ 18:54
Ég mæli með því að prófa aðrar aðferðir eins og Kópavogsleiðina. Netkosningin hefur tvo mjög greinilega ágalla sem eru alltaf að verða ljóðari og ljósari. Í fyrsta lag eins og Þórir segir eykur hún ekki kjörsókn af orsökum sem enn eru órannsakaðar en hitt þarfnast ekki rannsóknar að andstætt því sem halda mætti er hún ekki leynileg. Einn og sami aðilinn sér um , jafnvel á nærbuxunum, að misstórir hópar kjósi og kjósi eins, gjarnan fólk sem bara er að taka þátt af greiðasemi einni við einn frambjóðanda. Ég hef barist fyrir listakosningum í Sf og menn megi Xa við 4-8 frambjóðendur. Netkosningar skapa nafnleysi milli farmbjóðanda og kjósanda sem getur leitt til ábyrgðarleysis.
By Örvar, 31-01-2010 @ 20:38
Ég veit ekki hvernig því var hagað í þeim rafrænu kosningum sem hér um ræðir en það er algeng vinnuregla að kjörseðilinn haldist “opinn” í rafrænum kosningum. Þ.e.a.s. þú getir greitt atkvæði oftar en einu sinni og það sé seinasta kosningin sem gildir.
By Tómas, 31-01-2010 @ 21:13
Björn: Veit ekki afhverju en almennt þarf að samþykkja þig einu sinni og þá man hún netfang og ip addressu. Google spamfitlerinn hjá mér sá um að ég vissi ekki um athugasemdirnar.
Það er ansi áhugavert að fylgjast með frettum kvöldins, ég sé ekki að þetta hafi komið nokkur staðar fram.
Örvar: Er það? Að maður hafi getað verið að skipta oft um skoðun?
Stefán: Eftir því sem ég fylgist betur með þessu verð ég meira afhuga netkosningum í prófkjörum, ég sé samt önnur tækifæri. Mér fannst mjög áhugavert það sem eyjan gerði með IE fyrir jól.
By stefan benediktsson, 31-01-2010 @ 22:57
Það voru skýringar á “mistalningunni” á Eyjunni í kvöld.
By Tómas, 31-01-2010 @ 23:48
þetta er eina sem ég fann
Þetta eru sem sagt ágiskanir en ekki niðurstaða.